Karya: Yeni Heryani
Mamih,
Mamah,
Bunda,
Ibu,
Tingberetek lumpat, bari tinggéréwék muru diri nu kakara anjog ka sakola.
Mamih,
Mamah,
Bunda.
Ibu,
Love you
Sono
Gasik sung song ngasongkeun leungeun pikeun sasalaman.
Sun tangan giliran.
Aya ku lucu, ku réngkak paripolahna.
Arapét
Piindung.
Tapi tetep bisa nempatkeun diri
Di kelas mah biasa waé kumaha ilaharna.
Mulang ti sakola
Nyanghunjar lambar ngareureuhkeun kacapé
Tring tring, HP disada
Muka japri,
Mamih, abdi ayeuna badé tanding penca, pidu’ana.
Hébat,…. walon kuring
Ulah hilap Bismillah, Insyaalloh lancar suksés.
Aamiin, nuhun Mamih love you.
Tring…tring disada deui
Mamah, abdi tos ngarang sajak.
Tos aya sapuluh.
Kerén…..walon kuring
Semangat tambih deui,
Jantenkeun buku
Siap Mamah, hatur nuhun.
Tring….tring disada deui,..
Bunda, taun payun hoyong pasanggiri deui
Pan kamari mah teu janten pinunjul.
Mantap…..browsing na google
Rajin latihan.
Muhun, Hatur nuhun
Éta sesebutan, ku lucu
Matak dédéngéeun
Murid jaman now.
Mugia salamet tur bagja di dunya rawuh ahérat.
Aamiin Ya Robbal Alamiin.
Cibatu Cilamé, 100224
